गाव
गावात ऊन
ऊनात पाखरे
पाखरांना पाणी
पाण्यात मासे
माशांना भूक
भुकेस फिरून भूक
भुकेला माशास भुकेला माणूस
माणसास अनंत मान
मानाला मान
मानास अनंत दिशा
दिशेला चार दार
दारांना चार भिंती
भिंतीस भिंत
भिंतींना चोराची भीती
चोरास भीती दिवसाची
दिवसास एक सूर्य
सूर्यास एक पृथ्वी
पृथ्वीस एक चंद्र
चंद्रास एक रात्र
रात्रीला चोर
चोरासमोर भिंती
भिंतींना दार
दार पूर्वेला
पूर्व मानाची दिशा
मानाला एक माणूस
माणसाला एक भूक
भुकेला मासा
माशास पाणी
पाण्यास पाखरे
पाखरांचा दिवस
दिवसा ऊन
ऊनात एक गाव...
